Anders Lindegaard, fyrrum leikmaður Manchester United, hefur tjáð sig um tíma sinn hjá félaginu undir David Moyes.
Moyes tók við af goðsögninni Sir Alex Ferguson árið 2013 en hann entist aðeins 10 mánuði í starfi.
Lindegaard hefur nú útskýrt hvað fór úrskeiðis en hann neitar þó að kenna Moyes alfarið um.
,,Það var eins og við gætum bara ekki aðlagast nýju lífi undir hans stjórn,“ sagði Lindegaard.
,,Það var eins og við værum að hlaða iPhone síma með Nokia hleðslutæki. Þetta var mjög flatt.“
,,Hver hefði getað tekið liðið hærra eftir brottför stjórans? Moyes og aðrir voru auðvelt skotmark.“
,,Ég neita að benda á einhvern einn aðila. Í hvert skipti sem ég heyri af liðinu ná í slæm úrslit þá er kallað eftir því að nýr maður komi inn eða að það eigi að henda hálfu liðinu.“
