Maurizio Sarri, stjóri Chelsea, er sterklega orðaður við ítalska félagið Juventus þessa dagana.
Sarri tók aðeins við Chelsea fyrir leiktíðina sem var að ljúka en útlit er fyrir að hann yfirgefi félagið svo í sumar.
Það væri ekki vinsæl ákvörðun hjá mörgum og þá sérstaklega leikmönnum Napoli þar sem Sarri var við stjórnvölin áður.
Lorenzo Insigne, leikmaður Napoli, segir að Sarri væri svikari í þeirra augum ef hann ákveður að skipta yfir til Ítalíumeistarana.
,,Ef Sarri fer til Juventus þá væri hann svikari í okkar augum. Ég vona að hann skipti um skoðun,“ sagði Insigne.
,,Ef hann fer til Juventus þá myndi það særa okkur mikið. Ég get þó ekki kennt honum um, þetta er hans ákvörðun.“