Það hefur ekki farið framhjá neinum að Eden Hazard er nú genginn í raðir Real Madrid á Spáni.
Þessi félagaskipti hafa legið í loftinu undanfarnar vikur en Hazard hefur alltaf dreymt um að spila á Santiago Bernabeu.
Real náði loksins samkomulagi við Chelsea um kaup á leikmanninum sem kostar 100 milljónir evra.
Hazard er í guðatölu hjá stuðningsmönnum Chelsea og hefur frægur borði lengi fengið að njóta sín á hemavelli liðsins með hans nafni.
Stuðningsmannahópur Chelsea hefur nú gefið það út að þessi borði verði fjarlægður eftir söluna.
Tekið er fram að borðinn verði ekki sjáanlegur á meðan Hazard spilar fyrir annað félag en mun líklega fara upp á ný ef Hazard snýr aftur eða leggur skóna á hilluna.
Hér má sjá borðann umtalaða.