Rúnar Páll Sigmundsson, þjálfari Stjörnunnar, var kátur í kvöld er hann ræddi leik sinna manna við Val í Pepsi Max-deild karla.
Guðmundur Steinn Hafsteinsson kláraði leikinn fyrir Stjörnuna með sigurmarki á 90. mínútu leiksins.
,,Þetta var gríðarlega miklvægur sigur og kærkomið, við höfum ekki náð í þau úrslit sem við vildum í sumar þrátt fyrir að vera betri aðilinn í leikjum,“ sagði Rúnar við Stöð 2 Sport.
,,Hann er flinkur í þessu [Guðmundur Steinn] en liðið í heild sinni var frábært, miklir yfirburðir og ég er stoltur af drengjunum.“
,,Þetta voru svekkjandi mistök í fyrsta markinu en svona er fótboltinn, allt getur gerst. Við ákváðum að gera það sem við vorum að gera, þolinmæði skilaði sigrinum.“
,,Þetta er mikilvægt upp á framhaldið, stemningin var frábær og fólkið okkar þurfti á þessu að halda og við sjálfir.“