Arsene Wenger, fyrrum stjóri Arsenal, er með tilboð í höndunum og gæti verið að snúa aftur í þjálfun.
Frá þessu er greint í dag en Wenger er með tilboð frá japanska félaginu Vissel Kobe.
Wenger þjálfaði Arsenal frá 1996 til 2018 en fyrir það þjálfaði hann einmitt lið Nagoya Grampus Eight í Japan.
Wenger fær nú tækifæri á að snúa aftur þangað og vinna með nokkrum vel völdum reynsluboltum.
Lukas Podolski, David Villa og Andres Iniesta eru allir samningsbundnir Vissel Kobe.
Podolski þekkir sérstaklega vel til Wenger en þeir unnu saman í nokkur ár hjá Arsenal.