Leikmenn Liverpool og Tottenham hafa ekkert talað sín á milli eftir að ljóst var að þau lið myndu mætast í úrslitum Meistaradeildarinnar.
Þetta segir Jordan Henderson, fyrirliði Liverpool en fjölmargir leikmenn liðanna þekkjast vel.
Nefna má aðallega ensku landsliðsmennina sem eru á mála hjá báðum liðum.
,,Við höfum ekki grínast í hvor öðrum nei, eiginlega ekki neitt,“ sagði Henderson.
,,Ég fékk hamingjuóskir frá nokkrum eftir leikinn gegn Barcelona og ég óskaði þeim til hamingju eftir leikinn gegn Ajax.“
,,Við munum ræða saman eftir leikinn en þangað til þá er besta að við höldum okkur frá þeim, þeir geta gert út um okkar draum og við þeirra.“
