David Silva, leikmaður Manchester City, gæti nú þegar verið búinn að spila sinn síðasta leik fyrir félagið.
Frá þessu greina ensk götublöð en Silva er 33 ára gamall í dag og hefur spilað með City síðan 2010.
Hann er talinn einn besti leikmaður í sögu City og hefur leikið 284 deildarleiki og skorað 54 mörk.
Samkvæmt fregnum dagsins er Silva með tilboð í höndunum frá Katar og gæti hann freistað þess að taka boðinu.
Það styttist í lok ferils Spánverjans og myndi hann þéna gríðarlega há laun í deildinni í Katar.
Það verður áhugavert að sjá hvort Silva elti okkar mann Aron Einar Gunnarsson sem samdi við Al-Arabi þar í landi fyrr á árinu.
Silva hefur unnið ensku úrvalsdeildina fjórum sinnum en hann kom til City frá Valencia á sínum tíma.