Spænskir miðlar greina frá því í dag að Sergio Ramos sé sterklega að íhuga brottför frá Real Madrid í sumar.
Ramos er fyrirliði Real en hann hefur leikið með félaginu við góðan orðstír undanfarin 14 ár.
Talað er nú um að Ramos hafi rifist heiftarlega við forseta félagsins, Florentino Perez, eftir tap gegn Ajax í Meistaradeildinni.
Perez á að hafa sagt að frammistaða Real hafi verið til skammar og tók Ramos ekki vel í þau orð.
Hann á að hafa svarað forsetanum fullum hálsi og öskraði: ,,Borgaðu mér peninginn og ég skal fara.“
Ramos var spurður út í atvikið á Twitter síðu sinni og hafði þetta að segja: ,,Vandræðin í búningsklefanum eru leyst í búningsklefanum.“
