Arsene Wenger, goðsagnarkenndi stjóri Arsenal, mun ekki mæta á úrslitaleik liðsins gegn Chelsea í næstu viku.
Arsenal spilar við Chelsea í úrslitum Evrópudeildarinnar en leikið er í Baku í Aserbaídsjan.
Wenger ætlar ekki að mæta á völlinn á miðvikudaginn en verður þó mættur er Liverpool og Tottenham mætast í úrslitum Meistaradeildarinnar.
,,Hvernig horfi ég á úrslitaleikinn? Ég mun sjá hann í sjónvarpinu,“ sagði Wenger við TalkSport.
,,Ég verð ekki staddur í Baku því ég var búinn að lofa mér í annað og ég þarf að virða það..“
,,Ég mun horfa á þetta í sjónvarpinu en verð svo mættur til Madríd til að horfa á risaleikinn.„