Andy Cole, fyrrum leikmaður Manchester United, er viss um að Alexis Sanchez muni enn standa sig hjá félaginu.
Sanchez hefur undanfarið eitt og hálft ár spilað með United en hann kom frá Arsenal í fyrra.
Síðan þá hefur ekkert gengið hjá vængmanninum en Cole telur enn að hann geti staðið undir verðmiðanum.
,,Sanchez minnir svolítið á mál Fernando Torres. Eftir að Torres fór frá Liverpool til Chelsea var eins og hann væri ekki sami einstaklingur og enginn skildi neitt,“ sagði Cole.
,,Það eru allir undrandi yfir þessari stöðu. Þú hugsar hvað fór úrskeiðis eftir þessi félagaskipti. Þú verður ekki að lélegum leikmanni á einni nóttu.“
,,Ég held því enn fram að hann muni snúa þessu við. Hann mun gera það. Við þurfum að bíða og sjá en þú verður ekki lélegur á einni nóttu með þessi gæði.“
