Steve Nicol, fyrrum leikmaður Liverpool, hefur nefnt þá leikmenn sem munu yfirgefa félagið í sumar.
Það má búast við því að Liverpool fái inn nýja leikmenn í sumar og verður öðrum hleypt burt.
Nicol nefnir þá Divock Origi, Adam Lallana, Nathaniel Clyne og Dejan Lovren sem ættu að finna sér nýtt félag.
,,Ég held að Divock Origi þurfi að fara. Frá sjónarhorni Liverpool þá mega þeir ekki leyfa honum að fara fyrr en þeir fá mann í staðinn,“ sagði Nicol.
,,Þeir eru þunnir þegar kemur að framherjum, sérstaklega framherjum með mikil gæði. Ég held að hann fari.“
,,Ég held að Adam Lallana fari. Fyrir utan þessi meiðsli þá hefur hann ekki verið frábær.“
,,Hann hefur sýnt smá gæði og hvað hann getur en hann er ekki stöðugur. Adam Lallana fer.“
,,Nathaniel Clyne er annar sem fer. Hann er ekki í plönum Jurgen Klopp. Trent Alexander-Arnold hefur eignað sér hægri bakvarðarstöðuna.“
,,Dejan Lovren verður svo að fara. Hann vill fá að spila meira. Hann hefur verið frábær fyrir okkur. Ég hef verið einn af hans gagnrýnendum en hann hefur þjónað félaginu vel.“
