Jose Mourinho, fyrrum stjóri Chelsea, er viss um það að Eden Hazard sé á leið til Real Madrid.

Hazard og félagar í Chelsea undirbúa sig ný fyrir leik gegn Arsenal í úrslitum Evrópudeildarinnar.

Það er líklega síðasti leikur Hazard sem er talinn vera á leið til spænsku risanna í sumar.

,,Það er útlit fyrir það að þetta verði síðasti leikur Hazard í bláu treyjunni,“ sagði Mourinho.

,,Hann hefur verið svo mikilvægur fyrir Chelsea síðustu ár og hann mun halda áfram að reyna að leggja sitt af mörkum á vellinum.“

,,Hann mun vilja vinna þennan leik og fara svo til Real Madrid með síðasta bikarinn í vasanum.“