Ole Gunnar Solskjær, stjóri Manchester United, segir að það sé ómögulegt fyrir liðið að afsaka annað slakt tímabil.
Solskjær á þar við næsta tímabil þar sem verður búist við miklu af United eftir slæmt gengi í vetur.
Norðmaðurinn mun væntanlega kaupa nokkra leikmenn í sumar og eru aðrir sem þurfa að kveðja eftir slakt gengi.
,,Ég hef bara verið hérna í fimm mánuði en þú færð stundum meiri orku með því að vinna og stundum er orkan meiri þegar hlutirnir ganga illa,“ sagði Solskjær.
,,Þú færð orku því þú ert staðráðinn í því að snúa til baka betri, að hjálpa leikmönnum að bæta sig.“
,,Það er gaman að vinna, ekki misskilja mig en eftir svona tímabil þá vilja allir sanna hvað í þeim býr. Þeir eru stoltir leikmenn og við erum stoltir þjálfarar.“
,,Við megum ekki gleyma tímabilinu. Þú þarft að læra af eigin mistökum. Við viljum læra af því sem við gerðum rétt.“
,,Við munum fá okkur sæti og ræða plönin með þjálfurunum og verðum tilbúnir þann 1. júlí. Það verða engar afsakanir.“
