Maurizio Sarri segir það óréttlátt ef framtíð hans er undir í leiknum gegn Arsenal í næstu viku, þegar Chelsea mætir Arsenal í úrslitum Evrópudeildarinnar.
Mikið er rætt að Chelsea muni reka Sarri, þrátt fyrir ágætis árangur eru stuðningsmenn ósáttir með hann.
Sarri er að klára sitt fyrsta tímabil og kom Chelsea aftur í Meistaradeildina, og í úrslit í Evrópudeildinni.
,,Ef staðan er þannig að þetta er úrslitaleikur fyrir mig, þá vil ég frekar hætta strax. Það er ekki hægt að segja eftir tíu mánaða vinnu, að allt ráðist á 90 mínútum. Það er ekki rétt leið,“ sagði Sarri.
,,Fólk er annað hvort ánægt með mína vinnu, eða ekki.“