Cristiano Ronaldo á skilið að vinna Ballon d’Or verðlaunin fyrir frammistöðu sína á þessu tímabili.
Þetta segir ástralska goðsögnin Tim Cahill en hann velur Ronaldo fram yfir Lionel Messi.
Ronaldo er á mála hjá Juventus í dag en hann yfirgaf Real Madrid síðasta sumar og stóð sig mjög vel á Ítalíu á sínu fyrsta tímabili.
,,Ástæðan fyrir því að ég segi Ronaldo, ég veit að fólk er ekki sammála en það er vegna þess sem hann hefur gert hjá Juventus,“ sagði Cahill.
,,Hann yfirgaf Real Madrid og hafði svo mikil áhrif á aðra deild. Ég hef aldrei séð annan mann gera eins og hann gerði hjá Manchester United og Real í svo mörg ár.“
,,Ég veit að hann vann ekki Meistaradeildina en hann hafði stór áhrif. Ég veit að fólk er ekki sammála en ég kann að meta hversu mikill atvinnumaður hann er.“