Christian Pulisic, leikmaður Chelsea, ræddi við framherjann Pierre-Emerick Aubmeyang áður en hann samdi við félagið.
Pulisic samdi við Chelsea í janúar en var strax lánaður aftur til Dortmund þar sem þeir tveir léku saman.
Aubameyang leikur með grönnunum í Arsenal í dag og vildi Pulisic mikið fá góð ráð fyrir komuna.
,,Þegar það varð að möguleika að fara til Chelsea þá hafði ég samband við hann,“ sagði Pulisic.
,,Jafnvel þó Aubameyang hafi yfirgefið Dortmund fyrir Arsenal þá vorum við í sambandi. Ég hef talað við hann af og til síðan hann flutti.“
,,Ég spurði hann út í borgina og fleira. Hann elskar lífið hérna. Hann elskar stórborgir og hann sagði mér frá nokkrum stöðum til að heimsækja.“