Borussia Dortmund er stórhuga fyrir næstu leiktíð en félagið hefur verslað þrjá leikmenn á síðustu tveimur dögum.
Nýjasta viðbótin er þýski landsliðsmaðurinn, Julian Brandt sem kemur til félagsins frá Bayer Leverkusen.
Félagið staðfesti fyrr í dag kaup á Thorgan Hazard og Nico Schulz kom til félagsins í gær.
Brandt er sóknarsinnaður miðjumaður sem einnig getur leikið á kantinum, hann hafði verið orðaður við Liverpool og fleiri félög.
Dortmund seldi Christian Pulisic í janúar og hefur notað þá upphæð sem Chelsea borgaði, fyrir þessa þrjá leikmenn.
