Breiðablik og Valur virðast ætla að berjast um Íslandsmeistaratitil kvenna í sumar miðað við fyrstu fjórar umferðirnar.

Bæði lið léku leiki í kvöld og unnu góða sigra. Blikar og Valur eru með sex stiga forskot á Stjörnuna á toppnum. Stjarnan á þó leik til góða sem og Fylkir sem er í fjórða sæti.

Breiðablik var í engum vandræðum með Þór/KA á Akureyri. Þær grænu unnu sannfærandi 4-1 sigur.

Valur heimsótti HK/Víking á sama tíma og nældi í 4-0 útisigur þar sem sigurinn var aldrei í hættu.

KR vann þá fyrsta sigur sumarsins gegn ÍBV og Selfoss lagði Keflavík 3-2 í fjörugum leik.

Þór/KA 1-4 Breiðablik
0-1 Hildur Antonsdóttir
0-2 Agla María Albertsdóttir
0-3 Berglind Björg Þorvaldsdóttir
1-3 Markaskorara vantar
1-4 Áslaug Munda Gunnlaugsdóttir

HK/Víkingur 0-4 Valur
0-1 Elín Metta Jensen
0-2 Elías Viðarsdóttir
0-3 Guðrún Karítas Sigurðardóttir
0-4 Mist Edvardsdóttir

KR 2-1 ÍBV
1-0 Lilja Dögg Valþórsdóttir
2-0 Ingunn Haraldsdóttir
2-1 Cloe Lacasse

Selfoss 3-2 Keflavík
1-0 Barbára Sól Gísladóttir
1-1 Sophie McMahon Groff
1-2 Sveindís Jane Jónsdóttir
2-2 Grace Rapp
3-2 Hólmfríður Magnúsdóttir