Kylian Mbappe, leikmaður Paris Saint-Germain, vildi ganga í raðir Real Madrid er Unai Emery var við stjórnvölin í París.
Emery greindi sjálfur frá þessu í gær en Mbappe er orðaður við Real þessa dagana.
Þessi 20 ára gamli leikmaður er ein helsta stjarna PSG en sagði í viðtali á dögunum að hann vildi fá frekari ábyrgð hjá félaginu.
,,Á einum tímapunkti þá voru allir að ýta í hann. Ég sannfærði hann og föður hans um að vera áfram,“ sagði Emery sem stýrir Arsenal í dag.
,,Hann vildi velja Real Madrid, hann fékk líka tækifæri hjá Barcelona en valdi Madrid auðveldlega.“
,,Við sannfærðum hann um verkefnið í Frakklandi og fengum hann til að vera áfram.“
