Danny Welbeck, leikmaður Arsenal, er á förum frá félaginu en hann verður samningslaus í sumar.
Welbeck kom til Arsenal frá Manchester United árið 2014 og kostaði 16 milljónir punda.
Hann hefur skorað 32 mörk í 126 leikjum síðan þá en meiðsli hafa sett stórt strik í reikninginn.
Útlit er fyrir að Welbeck fái að spila einn leik áður en hann kveður, úrslitaleik Evrópudeildarinnar.
Samkvæmt the Daily Mail þá mun Welbeck ferðast með Arsenal til Baku en liðið spilar gegn Chelsea í úrslitum keppninnar.
Welbeck hefur ekkert komið við sögu á árinu en er nú búinn að jafna sig af meiðslum.