Kylian Mbappe, leikmaður Paris Saint-Germain, hefur gefið sterklega í skyn að hann gæti verið á förum frá félaginu.
Mbappe er 20 ára gamall en hann heimtar að fá meiri ábyrgð og veit ekki hvort það gerist hjá PSG.
PSG vann öruggan sigur í frönsku úrvalsdeildinni á tímabilinu en olli vonbrigðum í Meistaradeildinni.
Mbappe er einn mikilvægasti leikmaður liðsins og er oft orðaður við stórlið Real Madrid.
,,Ég hef komist að ýmsu hérna. Það er kominn tími á að ég fái meiri ábyrgð,“ sagði Mbappe.
,,Ég vona að það verði hér, það yrði ánægjulegt en það gæti gerst annars staðar í nýju verkefni. Ég vil samt þakka fyrir mig.“
