Einar Logi Einarsson var hetja ÍA í kvöld er liðið mætti Breiðabliki í Pepsi Max-deild karla.
Einar gat brosað er við ræddum við hann eftir leik en hann gerði eina mark leiksins í uppbótartíma í Kópavogi.
,.Mér fannst við þetta eiga alveg eins skilið og þeir. Við vorum drullu þéttir og getum varist í 90 mínútur, það er ekkert mál,“ sagði Einar.
,,Við erum þéttir og getum varist auðveldlega. Við erum í góðu formi og getum hlaupið eins og skepnur allan tímann.“
,,Við unnum Breiðablik rétt fyrir mót, FH í vetur, Val í vetur, við vissum að við gætum gert það á tímabilinu líka.“
,,Það gengur bara allt með okkur. Við byggjum ofan á þetta. Við ætlum inn í alla leiki til að vinna og eins og staðan er núna erum við með titilinn.“