Claudio Marchisio, fyrrum leikmaður Juventus, væri til í að sjá Jurgen Klopp taka við liðinu í sumar.
Möguleiki er á því að Massimiliano Allegri yfirgefi Juventus í sumar eftir slakt gengi í Meistaradeildinni.
Klopp er stjóri Liverpool á Englandi og eru ekki taldar góðar líkur á því að hann kveðji í sumar.
,,Ég væri til í að sjá einhvern sem er ekki hægt að fá: Jurgen Klopp,“ sagði Marchisio við Tuttosport.
,,Mér líkar við hvernig hann spilar. Hann myndi henta ítölskum fótbolta mjög vel.“
,,Ef Allegri heldur þó áfram þá sé ég ekkert að því. Hann er þjálfari sem er alltaf að vinna hluti.“