Leikmönnum Manchester City verður ekki refsað eftir myndband sem var birt á netið í gær.

Í myndbandinu má sjá leikmenn liðsins syngja í flugvél eftir að hafa tryggt sér deildarmeistaratitilinn.

Sungið var um Liverpool en lagið ‘Allez, allez, allez’ var tekið en þó var búið að breyta textanum talsvert.

Það var gert grín að því þegar ráðist var á stuðningsmenn Liverpool á götunum á síðustu leiktíð, bæði fyrir leiki gegn Roma og Real Madrid í Meistaradeildinni.

Einnig er tekið fram að fyrirliðinn Vincent Kompany hafi meitt Mo Salah, stjörnu Liverpool, eins og það sé eitthvað til að fagna.

Enska knattspyrnusambandið hefur farið yfir myndbandið og ákveðið það að City verði ekki refsað.