Ítalski miðillinn Sport Mediaset greinir frá því í kvöld að það sé verið að reka Maurizio Sarri, stjóra Chelsea.
Sarri hefur verið orðaður voð sparkið í vetur en gengi Chelsea oft ekki nógu sannfærandi.
Chelsea á þó eftir að spila einn leik á tímabilinu sem er gegn Arsenal í úrslitum Evrópudeildarinnar.
Samkvæmt heimildum Sport Mediaset bjargar það Ítalanum ekki og eru allar líkur á að hann fái sparkið í sumar.
Einnig er greint frá því að það sé búið að bóka arftaka Sarri en það er Frank Lampard, fyrrum leikmaður liðsins.
Lampard hefur stýrt liði Derby á þessu tímabili og hefur náð ansi góðum árangri í næst efstu deild.