Roberto Di Matteo, fyrrum stjóri Chelsea, er ekki viss um að Eden Hazard yfirgefi félagið í sumar.
Hazard er sterklega orðaður við lið Real Madrid og er talað um að hann gangi í raðir liðsins eftir úrslitaleik Evrópudeildarinnar.
Di Matteo er þó ekki viss um að Hazard fái að fara en hann á eitt ár eftir af sínum samningi.
,,Hver veit hvað gerist með Hazard? Chelsea er í félagaskiptabanni svo það verður erfitt að leyfa einhverjum að fara,“ sagði Di Matteo.
,,Að missa Hazard er ekki frábært en ég er ekki svo viss um að það verði auðvelt fyrir hann að kveðja.“
,,Félagið er í banni og að leyfa toppleikmanni að fara er erfitt þegar þú getur ekki leyst hann af hólmi. Það væri erfitt fyrir topplið að kaupa hann.“
,,Það er enginn stærri en félagið. Það er skiljanlegt að hann vilji reyna fyrir sér í annarri deild eftir sjö ár í London en það gæti verið að það gerist ekki í sumar.“