Það verður erfitt fyrir hinn reynslumikla Stephan Lichtsteiner að vera um kyrrt hjá Arsenal í sumar.
Þetta staðfesti leikmaðurinn sjálfur en Lichtsteiner hefur byrjað 19 leiki á þessu tímabili.
Þessi 35 ára gamli leikmaður gerði samning út tímabilið en mun líklega ekki fá að spila á næstu leiktíð vegna endurkomu Hector Bellerin.
,,Ég tel að það verði erfitt fyrir mig að vera hér áfram en við sjáum hvað gerist,“ sagði Lichtsteiner.
,,Ég veit ekkert þessa stundina. Það eina sem skiptir máli er úrslitaleikur Evrópudeildarinnar.“
,,Mig langar mikið að vinna þennan bikar og koma liðinu í hæsta gæðaflokk og í Meistaradeildina.“
