Pep Guardiola, stjóri Manchester City, hefur verið valinn þjálfari ársins í ensku úrvalsdeildinni.
Þetta var staðfest nú rétt í þessu en Guardiola fagnaði sínum öðrum deildarmeistaratitli um helgina.
Guardiola og hans lærisveinar náðu 98 stigum í deildinni og enduðu einu stigi fyrir ofan Liverpool.
City hefur undanfarin tvö ár verið besta lið Englands og vann sannfærandi sigur í deildinni á síðustu leiktíð.
City vann 32 af 38 leikjum sínum í deildinni á tímabilinu en liðið tapaði þá fjórum og gerði tvö jafntefli.
