Gísli Páll er genginn í raðir Kórdrengja og mun spila með liðinu út tímabilið. Liðið leikur í 3. deild hér á landi.
Gísli er fæddur 1991 og á að baki 147 leiki í efstu og næstefstu deild og hefur spilað bæði með Þór og Breiðablik.
Einnig hefur hann spilað með öllum yngri landsliðum Íslands. ,,Hann er frábær viðbót við okkar sterka hóp og kemur klárlega til með að styrkja hópinn töluvert. Við gætum ekki verið ánægðari með að fá Gísla til okkar,“ segir á Facebook síðu Kórdrengja.
Kórdrengir eru nýliðar í 3. deild karla en eru afar líklegir til þess að fara beint upp í 2. deildina. Liðið hefur unnið báða fyrstu leiki sína í sumar.
