Miðjumaðurinn efnilegi Alex Þór Hauksson hefur skrifað undir nýjan samning við Stjörnuna.
Þetta staðfesti félagið í dag en Alex gerir þriggja ára samning í Garðabænum og er samningsbundinn til 2022.
Alex er mikilvægur hlekkur í liði Stjörnunnar þrátt fyrir að vera aðeins 19 ára gamall.
Hann á að baki 56 leiki fyrir félagið og mun halda áfram að hjálpa þeim bláklæddu næstu þrjú árin.
Stjarnan hefur byrjað ágætlega í Pepsi Max-deild karla og er með fimm stig eftir þrjá leiki.