Manchester United er talið hafa haft betur í baráttunni um Isac Hansen-Aaroen, undrabarn frá Noregi.
Hansen-Aaroen er á mála hjá Tromso í norsku úrvalsdeildinni en hann er aðeins 15 ára gamall.
Everton og Liverpool hafa sýnt þessum efnilega leikmanni áhuga en United virðist hafa unnið kapphlaupið.
Samkvæmt iTromso hefur Hansen-Aaroen valið United og mun hann kosta félagið 90 þúsund pund.
Hann má þó ekki ganga í raðir United fyrr en í ágúst á næsta ári er hann fagnar 16 ára afmæli sínu.
Framherjinn mun þar vinna undir Ole Gunnar Solskjær, stjóra United sem er einnig frá Noregi.