Mesut Özil, leikmaður Arsenal, hefur róað þá stuðningsmenn sem halda að hann sé á förum í sumar.
Özil byrjaði tímabilið sem varamaður hjá Unai Emery en vann sér inn sæti í byrjunarliðinu að lokum.
Hann hefur verið hjá Arsenal í sex ár og er samningsbundinn félaginu til ársins 2021.
Özil býst ekki við því að fara í sumar en gæti leitað annað eftir að samningnum lýkur.
,,Ég held að það sé ekki möguleiki að það gerist,“ sagði Özil um hvort hann myndi fara annað.
,,Ég á tvö ár eftir og það sem gerist eftir það er ekki í mínum höndum. Við skulum sjá til þá en ég er stoltur af því að spila fyrir þetta félag og er ánægður.“