Ernesto Valverde, stjóri Barcelona, gerði mistök í gær samkvæmt fyrrum landsliðsþjálfara Englands, Fabio Capello.

Capello sá leik Barcelona og Liverpool í gær en Liverpool hafði betur sannfæradi 4-0 á Anfield og er á leið í úrslit Meistaradeildarinnar.

Philippe Coutinho byrjaði hjá Barcelona líkt og í fyrri leiknum er liðið vann 3-0 sigur á heimavelli.

Capello telur að það hafi verið mistök hjá Valverde að byrja með Coutinho þar sem hann stendur sig aldrei á útivelli að hans mati.

,,Valverde var ansi fljótur á sér með því að spila sama liði í seinni leiknum og í þeim fyrri,“ sagði Capello.

,,Að mínu mati þá þurfti Coutinho ekki að spila þennan leik. Hann gerir ekkert á útivelli.“