Georginio Wijnaldum reyndist gríðarlega mikilvægur fyrir lið Liverpool í gær er liðið vann Barcelona 4-0.
Wijnaldum kom inná sem varamaður í undanúrslitum Meistaradeildarinnar og skoraði tvö mörk í frábærum sigri sem tryggir Liverpool sæti í úrslitum keppninnar.
Holldendingurinn viðurkennir það þó að hann hafi verið reiður út í stjórann Jurgen Klopp fyrir leikinn.
,,Hvað er hægt að segja, þetta var ótrúlegt. Við vorum sannfærðir um það eftir fyrri leikinn að við gætum skorað fjögur mörk á heimavelli,“ sagði Wijnaldum.
,,Fólk að utan efaðist um okkur og héldu að við gætum ekki gert þetta en enn einu sinni þá sönnum við það að allt er hægt.“
,,Þetta er tilfinningaþrungin stund fyrir mig því ég var mjög reiður út í stjórann fyrir að setja mig á bekkinn.“
,,Ég þurfti að gera eitthvað þegar ég kom inná, ég þurfti að hjálpa liðinu en í heildina var þetta liðs frammistaða.“