Ágúst Gylfason, þjálfari Breiðabliks, gat brosað í kvöld eftir 2-2 jafntefli við HK í Kórnum.
Blikar spiluðu ekki sannfærandi bolta í Kórnum í kvöld en tvö mörk undir lokin tryggðu gestunum í grænu sigur.
,,Ég er gríðarlega ánægður með síðustu fimm mínúturnar í leiknum þar sem við sýndum mikinn karakter og náðum að setja tvö mörk á þá,“ sagði Ágúst.
,,Heilt yfir var leikurinn erfiður, HK-menn voru miklu meira tilbúnir en við og settu mikið hjarta í þetta. Þeir unnu öll návígi og skora úr föstu leikatriði og voru í raun yfir allan leikinn.“
,,Ég fékk spurningu áðan, af hverju við vorum ekki betri en þetta og ég segi að andstæðingurinn hafi gert það að verkum að við vorum ekki betri, þeir voru meira tilbúnir og voru góðir í dag.“
,,Andstæðingurinn var bara góður. Þeir lögðu leikinn vel upp og voru miklu meira gíraðir og tilbúnir í átökin sem við vorum ekki.“