Clement Lenglet spilaði með liði Barcelona í gær sem mætti Liverpool í Meistaradeild Evrópu.

Undanúrslit keppninnar fóru fram en Barcelona vann 3-0 sigur á Liverpool í fyrri leiknum á Spáni.

Lenglet þurfti að eiga við Mohamed Salah í leiknum sem getur verið afar erfitt fyrir ófáa varnarmenn.

,,Ég þurfti að aðlagast fjarlægðinni sem ég þurfti að halda á milli mín og Salah,“ sagði Lenglet.

,,Þú mátt ekki gefa honum pláss til þess að spila boltanum en á sama tíma verðuru að vera nógu nálægt til að komast að honum í tæka tíð.“

,,Eftir byrjunina var auðveldara að staðsetja mig og skoða það hversu langt ég ætti að vera frá markinu.“