Rio Ferdinand, fyrrum leikmaður Manchester United, gagnrýndi Virgil van Dijk hressilega eftir leik Liverpool og Barcelona í kvöld.
Luis Suarez skoraði fyrsta mark Barcelona í fyrri hálfleik en liðið vann að lokum 3-0 sigur.
Ferdinand lét Van Dijk aðeins heyra það fyrir varnarvinnuna í fyrsta markinu og segir hann hafa verið sofandi.
,,Þetta var Van Dijk að kenna. Hann sér Suarez, hann benti á hvar hann vildi fá boltann,“ sagði Ferdinand.
,,Þetta eru engin geimvísindi. Hann er alveg fyrir framan hann. Þetta er þeirra maður, með níu aftan á treyjunni.“
,,Van Dijk stóð bara þarna. Það er glæpsamlegt í þessari stöðu.“
