Ole Gunnar Solskjær, stjóri Manchester United, ætti að bekkja David de Gea fyrir leik gegn Chelsea á sunnudaginn.
Þetta segir blaðamaðurinn Andy Dunn en hann hvetur Solskjær til að gera breytingar fyrir mikilvægan slag.
De Gea er talinn einn allra besti markvörður heims en hefur ekki verið upp á sitt besta undanfarnar vikur.
United á líklega besta varamarkvörð Englands en Sergio Romero heitir hann og er landsliðsmarkvörður Argentínu.
De Gea hefur gert nokkur mistök í undanförnum leikjum og gæti þurft á hvíld að halda.
Samningamál De Gea gætu verið að hafa áhrif á hans frammistöðu en Spánverjinn hefur enn ekki krotað undir framlengingu.