Thomas Meunier, bakvörður Paris Saint-Germain, hefur undanfarnar vikur verið orðaður við brottför.
Manchester United er talið hafa áhuga á þessum hægri bakverði sem spilar einnig með belgíska landsliðinu.
Meunier er samningsbundinn PSG til ársins 2020 og gæti félagið hlustað á tilboð í hann í sumar.
Hann hefur nú viðurkennt það að hann hafi áhuga á að spila í ensku úrvalsdeildinni einn daginn.
,,Já það er áhugi þaðan en ekki bara þaðan. Það hefur jafnvel komið áhugi frá Kína,“ sagði Meunier.
,,Ég hef aldrei falið það að mig langi að spila í ensku úrvalsdeildinni.“
