Starfsfólk Chelsea er hissa þessa stundina eftir að lið ársins á Englandi var birt í morgun.
Allir leikmenn í liðinu leika með Manchester City eða Liverpool fyrir utan Paul Pogba, miðjumann Manchester United.
Það vakti athygli að Eden Hazard, leikmaður Chelsea, var ekki valinn í liðið þrátt fyrir að hafa verið langbesti leikmaður liðsins á tímabilinu.
Það er enginn leikmaður sem hefur komið að fleiri mörkum í deildinni en Hazard sem gæti verið á förum í sumar.
Hazard var tilnefndur sem leikmaður ársins á Englandi en af einhverjum ástæðum kemst hann þó ekki í lið ársins.
Chelsea birti grein á heimasíðu sinni í dag þar sem rætt er um þessa ákvörðun að velja Hazard ekki í liðið.
Enginn hjá Chelsea virðist skilja þessa ákvörðun og eru stuðningsmenn félagsins einnig undrandi.
?
— Chelsea FC (@ChelseaFC) 25 April 2019