Manchester City er skrefi nær því að vinna ensku úrvalsdeildina, annað árið í röð undir stjórn Pep Guardiola, eftir sigur á Manchester United.
Öll hjól eru farin undan vagninum sem Ole Gunnar Solskjær, stýrir. Manchester United er í frjálsu falli.
Markalaust var í hálfleik en eftir ágætis byrjun Manchester United, var City sterkari aðilinn.
Manchester United gaf hressilega eftir í síðari hálfleik og City gekk á lagið, Bernardo Silva skoraði fyrsta mark leiksins. Luke Shaw bakkaði frá honum og David De Gea gerði illa í markinu.
Leroy Sane bætti svo við eftir skyndisókn en aftur, var De Gea í markinu, slakur. 0-2 forysta City og sigurinn klár.
City komið á topp deildarinnar þegar þrír leikir eru eftir, liðið á leiki við Burnley, Leicester og Brighton eftir. Liðið er stigi á undan Liverpool sem á eftir að mæta Huddersfield, Newcastle og Wolves.
Einkunnir úr leiknum eru hér að neðan.
Man Utd: De Gea (4), Young (6), Darmian (5), Smalling (6), Lindelof (6), Shaw (5), Pereira (5), Fred (4), Pogba (6), Lingard (4), Rashford (5).
Man City: Ederson (8), Walker (6), Kompany (5), Laporte (7), Zinchenko (7), Gundogan (6), Fernandinho (7), David Silva (8), Bernardo Silva (8), Sterling (7), Aguero (7)
