Rafael Benitez, stjóri Newcastle, segir að heppnin sé með Jurgen Klopp hjá Liverpool.
Benitez er sjálfur fyrrum stjóri Liverpool en hann tók við liðinu árið 2004 og var þar í heil sex ár.
Benitez fékk þó ekki að eyða eins miklum peningum og Klopp og segir að félagið hafi farið öðruvísi að hlutunum á þeim tíma.
,,Þegar ég var þarna þá þurftum við að selja til að fá að kaupa,“ sagði Benitez.
,,Núna eru þeir með betri hóp því þegar þú getur eytt peningum þá færðu inn betri leikmenn.“
,,Þeir keyptu Fabinho og Naby Keita en náðu samt að halda Jordan Henderson og Georginio Wijnaldum.“
,,Hópurinn er betri og það þýðir meiri samkeppni og þú getur alltaf stillt upp góðu liði.“