Robbie Fowler var í nótt, ráðinn þjálfari Brisbane Roar í úrvalsdeildinni í Ástralíu.
Þessi 44 ára gamli kappi skrifaði undir tveggja ára samning, hann tekur við þegar þetta tímabil er á enda.
Fowler hefur aðeins starfað í unglingastarfi Liverpool, auk þess stýrði hann nokkrum leikjum í Taílandi.
,,Ég er virkilega spenntur fyrir þessari áskorun, ég ætla mér að ná árangri hjá þessu félagi,“ sagði Fowler.
Fowler er Íslandsvinur en ekki eru mörg ár síðan að hann kom til landsins og sletti hressilega úr klafunum, með stuðningsmannaklúbbi Liverpool á Íslandi.
