Jose Mourinho, fyrrum stjóri Chelsea og Manchester United, er ‘búinn’ samkvæmt Frank Lebouef, fyrrum leikmanni þeirra bláklæddu.
Mourinho hefur ekki náð að sýna sitt rétta andlit síðustu ár eftir nokkuð erfiða dvöl á Old Trafford.
Portúgalinn er einfaldlega ekki sami maður og hann var að mati Lebouef og hefur hann tapað einhverju á seinustu árum.
,,Ég tel að Mourinho sé búinn með sinn tíma. Ég var mjög hrifinn af honum þegar hann kom fyrst til Chelsea frá Porto,“ sagði Leboeuf.
,,Hann hefur hins vegar tapað einhverju í dag, ég man eftir því þegar allir leikmenn sögðu að þeir elskuðu hann.“
,,Ég man eftir Marco Materazzi grátandi hjá Inter Milan og allt það. Hann hefur glatað því, svo mikið að það voru leikmenn hjá Manchester United sem hötuðu hann.“
,,Hann þarf að hugsa um eigið líf ef hann vill komast aftur í stórlið, kannski Paris Saint-Germain en hann þarf að hugsa sinn gang.“
