Frank Lampard, fyrrum leikmaður Chelsea, er gríðarlega vinsæll hjá stuðningsmönnum Derby.
Lampard tók við liði Derby fyrir þessa leiktíð og hefur gengi liðsins verið gott undir hans stjórn.
Derby vann 2-0 sigur á Queens Park Rangers í kvöld með mörkum frá Harry Wilson, lánsmanni frá Liverpool.
Bæði mörk Wilson komu í uppbótartíma og tryggði hann Derby gríðarlega mikilvæg stig.
Derby er nú í sjötta sæti deildarinnar sem gefur þátttökurétt í umspili um sæti í ensku úrvalsdeildinni.
Eftir leik þá fagnaði Lampard með stuðningsmönnum Derby og var ástríðan gríðarleg á Pride Park.
Myndband af þessu má sjá hér.
U N R E A L.
— Derby County (@dcfcofficial) 22 April 2019