Albert Guðmundsson, leikmaður AZ Alkmaar, var í byrjunarliðinu í kvöld er liðið mætti Feyenoord.
Albert skoraði tvennu í leik með AZ nýlega og fékk kallið í dag í erfiðum útileik í deildinni.
AZ tók forystuna í leik kvöldsins og var staðan 1-0 fyrir gestunum eftir fyrri hálfleikinn.
Feyenoord tókst svo að skora tvö mörk og snúa leiknum sér í vil og urðu lokatölur 2-1.
Albert var tekinn af velli á 67. mínútu leiksins og einni mínútu síðar skoraði Feyenoord sigurmarkið.
