Það er komið á hreint hvaða lið munu mætast í undanúrslitum Meistaradeildar Evrópu.
Tvö ensk lið tryggðu sér sæti í næstu umferð í kvöld en það voru Liverpool og Tottenham.
Tottenham sló Manchester City úr leik eftir 4-3 tap í Manchester. Liðið vann fyrri leikinn 1-0 og fer áfram á útivallarmörkum.
Liverpool vann á sama tíma sigur á Porto í Portúgal, 4-1 og fer áfram samanlagt, 6-1.
Í gær tryggðu Barcelona og Ajax sér sæti í undanúrslitunum og er því ljóst hvernig næsta umferð lítur út.
Undanúrslit Meistaradeildarinnar:
Tottenham – Ajax
Barcelona – Liverpool