Pep Guardiola, stjóri Manchester City, var sár í kvöld eftir 4-3 sigur liðsins á Tottenham í Meistaradeildinni.
Guardiola og félagar eru úr leik í deild þeirra bestu en Tottenham fer áfram á mörkum skoruðum á útivelli.
Á 93. mínútu leiksins í kvöld þá skoraði Raheem Sterling fimmta mark City en það var svo síðar dæmt af vegna rangstöðu.
,,Þetta er svo andstyggilegt en við verðum að sætta okkur við þetta. Til hamingju Tottenham, gangi þeim vel í næstu umferð,“ sagði Guardiola.
,,Ég er svo stoltur, sérstaklega af stuðningsmönnunum. Ég hef aldrei séð völlinn eins og hann var í dag.“
,,Við erum sorgmæddir fyrir þeirra hönd en þeir vita að við gerðum allt sem við gátum. Fótboltinn er ófyrirsjáanlegur og því miður komumst við ekki áfram.“
,,Þetta var grimmt, augnablikið þegar við vorum að fagna, við vorum svo nálægt undanúrslitunum.“
