Michael Ballack, fyrrum leikmaður FC Bayern og fleiri liða ráðleggur félaginu, að ráða Jose Mourinho til starfa.
Bayern gæti sparkað Niko Kovac úr starfi í sumar eftir erfitt ár, þrátt fyrir allt er Bayern þó á toppnum í þýsku úrvalsdeildinni.
Mourinho og Ballack störfuðu saman hjá Chelsea og Ballack ráðleggur Bayern að sækja hann.
,,Einn daginn þá væri skynsamlegt að sækja Mourinho, hann kæmi með líf og fjör inn í félagið og deildina,“ sagði Ballack.
,,Áhrif Pep Guardiola sáust vel í deildinni, hann er stjarna. Þrátt fyrir að hafa ekki unnið Meistaradeildina, þá var ráðning hans góð.“
Mourinho var rekinn frá Manchester United í vetur, en ætlar að snúa aftur í boltann í sumar.
