Manchester United er úr leik í Meistaradeild Evrópu eftir leik við spænska stórliðið Barcelona í gær. Verkefni United var alltaf að fara verða erfitt í gær en liðið tapaði fyrri leiknum 1-0 á heimavelli.
Lionel Messi var í stuði í leiknum og skoraði tvö mörk fyrir heimamenn sem unnu sannfærandi 3-0 sigur. Philippe Coutinho bætti við þriðja marki Börsunga sem vann einvígið samanlagt, 4-0.
Paul Pogba átti enn á ný, slakan leik á stóra sviðinu. Honum hefur ekki gengið vel þegar United, þarf hvað mest á honum að halda.
,,Pogba er núna að spila eins og áður en Ole tók við,“ sagði Gary Neville, fyrrum fyrirliði félagsins um málið og ástand Pogba i gær.
,,Hann var afar slakur, hann var að draga boltann, fram og til baka. Hann spilaði fyrir sjálfan sig, hann var ekki að hreyfa boltann og hreyfa sjálfan sig, hann virtist ekki hafa áhuga.“
,,Hann er góður leikmaður, getur orðið frábær en hann þarf að einbeita.“